Brewster Pæton. Hefur verið geymdur í hlöðu með loftslagsstýringu. Vagninn er með Dickie sæti þar sem tágakarfan er staðsett núna. Farkosturinn var endurnýjaður að fullu með nýrri bólstrun og línumálun. Var sýningarvagn á Morgan Gold Cup Heritage Class og vann fyrsta sæti. Hjólin eru glæný frá Statesman í Hólms sýslu. Ný dráttarsköft frá Middlefield Ohio. Efnið í bólstrunina er frá Woodland Coach í Hólmes sýslu. Upprunalega er vagninn smíðaður af Brewster eftir 1838 og einhvern tímann á líftíma Brewster framleiðandans. En þar sem vagninn er búinn Sarven nöfum þá er líklegast að hann hafi smíðast eftir 1857 en það ár komu Sarven nöfin fram.Þess má geta að Brewster var talið toppframleiðandi hvað gæði varðaði á líftíma sínum.
Dayton Brett heitir þessi vagna gerð, sem er yfirgerð í þessum ákveðna stíl. Dayton er svo undirheitið frá framleiðandanum. Það er engin lýsing á vagninum í bæklingnum. En ég vona að ég finni góða lýsingu sem ég set þá hér inn. Erfitt að sjá á svona léglegri mynd en sennilega er vagninn á Sarven nöfum. En við sjáum að vagninn er með fjögra boga vandaðan topp, einfalt uppstig. Engar bremsur eru sjáanlegar. Vagninn er á þver fjöðrum að aftan en langsum fjöðrum að framan, sem liggja samsíða langhlið vagnanna. Varð svo ofan á í hönnun síðar. Svo er vagninn byggður á körfu (Perk) sem kallað er.
Heillegur Bast körfu Pæton fyrir prest. Ekki upplýsingar um smíða ár. Vagninn er með bremsur, járn hjólbarða, kúskurinn situr aftan við prestinn, langsum fjaðrir, hlíf framan úr Bast -tágum, vandaðar bremsur, uppstig fremst og aftan fyrir kúsk. (Kúskur ekki til í íslenskri orðabók!?Á milli píláranna sést uppstigið fyrir prestinn en uppstigin er vönduð og öflug. þverfjöður framan sem algengt í þessum vögnum. Eftirtektarvert hve fáir pílárar eru í framhjólinu eða 10 stykki vegna þess að í þá daga var reynt að hafa vagnanna eins létta og efnið leyfði sem smiðirnir höfðu að vinna úr. Pílárafjöldinn þarf alltaf að vera slétt tala svo tveir pílárar gangi í hvern félaga (ysti boginn), félagarnir eru stundum í hálfboga eins og mér sýnist vera upp á teningnum hér.Vandað járnvirkið allt og líka bremsurnar ásamt bremsustönginni.Hér er sameinað uppistaðan fyrir bakið og kúsksvipu haldarinn.Væri augnayndi þessi vagn ef hann væri uppgerður og vel til hafður.Hugsanlega gæti þetta verið framleiðslunúmer?Hér sjáum við undir setuna!Sköftin eru nett en samt sterkir.
