Fjögra sæta Berliner lítillar yfirbyggingar frá París 1763 #10Fjögra sæta Berliner lítillar yfirbyggingar frá París 1763 #10
Hversdagsútréttingavagn Katrínar miklu!
Uppfært 27. April 2026.
Þessi fjögurra sæta Berliner geislar af yndislegri fágun.
Rússland, 19. öld, óþekktur listamaður.
Olíumálverk á striga.
Lítil yfirbygging (hlutfallslega), sporöskjulaga í neðri hlutanum, hefur rólegar línur og fínleg hlutföll sem eru enn frekar undirstrikuð af mýkt hins gyllta útskurðar.
Breið rönd strangra rúmfræðilegra skreytinga umhverfis efri brún vagnyfirbyggingarinnar skapar léttleika í útlitinu.
Hinn skýri og rólegi útskurður inniheldur lauf, fléttur, hringlaga skraut, fornaldarlegar blómaskreytingar og smágerð líkneski.
Vagninn byggir á taktföstum endurtekningum sama mynsturs.
Samhverfa ræður ríkjum í skreytingunum.
Útskurðurinn er fíngerður og blúndulíkur, unninn af mikilli færni.
Málverkið með sínum fágaða litaskala er í samræmi við hinn vandaða útskurð.
Málverk með goðsögulegum þemum, eitt af aðalatriðum í listrænu yfirbragði vagnsins, þekur nánast alla yfirbygginguna.
Blómstrandi og blíð náttúra myndar yndislegan landslagsbakgrunn.
Málverkið sýnir þroskaða færni og fínlega hönd listamannsins, en nafn hans er enn óþekkt.
Einnig er mikið notað af bronsi í skreytingunum.
Meðfram þakbrúninni eru bronsskreytingar í formi knippis af stilkum og útskornir bronsborði/renningur.
Þótt þær séu undirskipaðar heildarsamsetningunni eru þær gerðar í lágmynd, fínlega unnar og skartgripalíkar.
Perlumóðursskraut, sem myndar hringlaga skrautmyndir, er notað í listrænum skreytingum fram- og bakhliða og hurða.
Gluggarnir og hurðirnar innihalda vel fægða glerplötu með vandlega slípuðum fleti.
Vandlega unnin litasamsetning innréttingarinnar og skjaldarmerkisins samanstendur af gullsaumi í upphleyptum saumi (á hliðunum inni í vagninum), frönskum köntum og skúfum ásamt rauðu flaueli.
Undirvagninn er skreyttur með upphleyptu skrauti og er, ásamt grindinni og hjólunum, þétt gylltur þannig að hægt er að sjá hinar fágætu útlínur hins glitrandi gullvagns langt að.
Skrá frá 19. öld í vopnabúrsskjalasafninu hefur hjálpað til við að staðfesta að upphaflega var allur undirvagninn og hjólin gyllt.
Berliner. frá París, 1763-1765.
Hjólin fengu sitt núverandi útlit (máluð rauð) þegar vagninn var gerður upp 1881.
Við smíði vagnsins notaði franski meistarinn Breighteil nýjustu tækniframfarir síns tíma, nánar tiltekið lagskiptar (fjaðrablöð) hálfmánalagaðar fjaðrir, stöng á hvorri hlið vagnsins sem dró verulega úr höggum og veltingi, og útitröppu.
Vagninn var pantaður fyrir Katrínu miklu frá Breighteil 1763 og fluttur til Rússlands af verslunarumboðsmanni 1765.
Vitað er að þetta var uppáhaldsferðavagn Katrínar og hún notaði hann til daglegra útréttinga.
Annáll rússnesku keisaranna
Skrá yfir valdatíð allra keisara Rússlands (Annálar) Eftir David Warnes. Bókargerð: Innbundin. 4,6 4,6 af 5 stjörnum. Úgefin 19. April 1999.
Inngangur að helstu umræðuefnum í sögu Rússlands. Hvernig þróaðist lítið furstadæmi í víðfeðmt keisaraveldi? Hvers vegna þróuðust stjórnmála- og félagslegar stofnanir í Rússlandi svo ólíkt þeim sem þekktust á Vesturlöndum, sem leiddi landið á aðra braut á 20. öld? Bókin segir frá staðreyndunum á bak við orðspor keisara á borð við Ívan grimma, en ógnarstjórn hans átti sér engan líka í sögu Rússlands fyrr en á dögum Stalíns; Pétur mikla, kraftmikinn umbótasinna og einlægan vestrænan áhrifavald; Katrínu miklu, hina ákveðnu ungu þýsku prinsessu sem hrifsaði til sín völdin og varð erkitýpa upplýsts einvalds; og Nikulás II, hinn viljalausa keisara sem var fylgjandi guðlegum rétti á tímum umbyltinga. Hér er einnig fjallað um minna þekkta en jafn heillandi einstaklinga sem sátu í keisarastóli Rússlands: Ívan III, sem var áfjáður í landvinninga, hinn hjartahlýja og skapstygga Alexeí Míkhaílovítsj og hinn afturhaldssama Nikulás I. Í bókinni eru tímalínur sem veita yfirlit yfir lengd og afdrifaríka atburði hverrar valdatíðar. Þar eru ættartré Romanov-ættarinnar og forvera þeirra og upplýsingar um hvern keisara, þar á meðal ætterni, eiginkonur og börn, svo og dánarstað og dánarorsök. Þar eru yfir 90 aukagreinar og sérkafli sem fjalla um allt frá byggingu Kremlar í Moskvu til elskhuga Katrínar miklu. Myndskreytingarnar innihalda portrettmyndir af hverjum keisara og helstu stjórnmálamönnum, listaverk, byggingarlist, kort og teikningar.
224. Blaðsíður.
Heimild: www.kreml.ru/en-Us/
Þýðendur: Friðrik Kjartansson og erlendur.is
Skráning: Friðrik Kjartansson
Yfirlestur: malfridur.is